吃喝玩樂

每逢過節，家裡少不了東菇髮菜蠔豉，要「發財好市」嘛，可是這少少的髮菜，卻是破壞地球的元兇之一。
髮
菜係生長係蒙古大草原，依附針狀葉而生，要採集髮菜，就得挖出大草原上的針狀葉，把葉都堆在一個倉，每日淋水，兩三日後，髮菜吸水後發脹，就可以與針狀葉
分離。要採集二兩髮菜，就要挖走相等於16個足球場面積既草原，一斤髮菜就要一公頃草原。蒙古草原漸漸沙漠化，每年，單係挖髮菜就挖走數十萬公頃草原，令
到北京每年都出現沙塵暴。
雖然中國明文規定禁止採集髮菜同出售，但係蒙古人，甚至漢人仍然大量偷偷挖掘，因為係廣東地區有龐大市場需求，所以禁之不盡，而香港政府亦表明唔會禁止入口，大家真係有責任要反省一下。
為左地球生態著想，我地都係放棄食髮菜啦。

中秋節中國人都愛吃柚子，取其意「祐子」和「團圓」。
台
灣最出名柚子係「麻豆文旦」，乾隆五十三年﹝一七七八﹞年將福建、廣東的柚子傳到台南，後來發現係麻豆種既柚子特別多汁甘甜果肉柔軟，地方鄉紳及果農就將
該地生產既「柚子」取名為「文旦」。後來台灣就將麻豆文旦進貢俾清廷，因此「麻豆文旦」就成為家傳戶曉喇。而後來日本仔統治時，就將文旦獻俾日皇，日本就
係高知縣土佐市大量種植「文旦」，稱為「土佐文旦」。

「果之美味，江浦之橘，雲夢之柚」《呂氏春秋》

新買既柚，最好放一兩個星期，等柚子既水份逐漸蒸發，皮就會變黃，果肉甜度就會增加，稱為「消水」，肉質亦都會變軟，酸甜多汁，而且維他命C係蘋果既8倍呀，仲可以防膽固醇呢！

香港人去台灣多去台北，食野多數係士林夜市，會食既饕客就多數會去基隆。有一次跟xuv、九筒、pp、月亮還有網友甲、乙、丙(對不起，我唔記得名喇 )去基隆廟口食野，廟口差不多成個女人街咁既格局，但就全部都係大牌檔。廟口最出名就係「鼎邊趖」。
鼎邊趖係福州小吃，《趖》既做法，先在大鍋(廟口真係用個鼎)內放些水，煮滾後用竽頭沾油，搽油係鼎邊，再把米漿沿著鼎淋一圈。鼎內米漿往下趖(趖即液體滾燙流動)，一面烤一面蒸後凝固蒸熟，將整片取下來。風乾後，再將它剪成小片。
將多種配料，包括肉羹、蝦仁羹、金針、香菇、魷魚、小魚乾、竹筍、蝦米、高麗菜、炸蒜頭、芹菜等，十多種湯料熬製而成的湯頭，加入少少冰糖，再放入趖片，就成為美味既鼎邊趖。
因為用料多，所以湯鮮味美，鼎邊趖好似年糕咁煙刃(香Q)，彈牙順滑，香甜不膩。

也
談一談這個大陸熱門話題吧。如果問香港人，有沒有看過「超級女聲」，大概90%以上沒有看過吧。我是偶然會看一下。一個抄襲「American
Idol」的新秀歌唱節目(大陸辯稱為「借鑒」，咳…)，首先全國報名，比賽，搵名人評論一下，全民SMS投票，優勝者與唱片公司簽約，電視台全程直播一
年時間，中間加d互相攻擊、做馬傳聞、超級fans報導咁。單係報紙，每一日差不多就有八頁係講關於「超級女聲」，總決賽據說收看觀眾有4億人，全國有看
過或經常看的佔全民99.2%。
坦白說，冠軍李宇春和亞軍周筆暢兩位唱歌係幾好聽，美女就說不上…可能國內人生活苦悶，對呢d「全民參與」活動極為熱衷，見到d阿婆八九十歲都做舉牌fans，我真係有d不能理解。
其
實背後最大得益者，當然唔係American Idol會多左人睇啦，呢4億人都唔知有無一千人睇過…
係製作單位「湖南電視台」，佢地用盡各種方法去炒熱呢個話題，做成巨大經濟效益。單係sms收入就已經有3千萬，全國既轉播費、每一個參賽區參賽者出唱
片、fans記念品(閃咭、相片、螢光棒…)、電影、電視、自傳、圖書、報紙等… 呢個天文數字收入真係唔係講笑…
八月完左節目，九月一日就出唱片，睇黎呢個節目雖然剛播完，搵錢行動先o岩o岩開始。

遊淡水，不可能沒有見過「阿給」，阿給係一種小食，整個淡水有好多間賣阿給的店，有d 好好食，有d 就超難食，好似零戰遊淡水時，就食過非常難吃既阿給，發誓以後唔食，哈哈。
阿給是將四方形豆腐挖空，填入事先用滷汁泡製過既冬粉(粉絲)，再用魚漿封口，蒸熟，淋上特製既甜辣醬。日本人叫呢舊做「油炸豆腐」，日文發音就譯成國語既「阿給」喇。
好食既阿給，豆皮同魚漿一定要軟嫩同新鮮，粉絲要經過滷汁泡製過，甜辣醬要好味，缺一不可。

講到台灣美食，首推蚵仔麵線，麵線羹香滑甜，加入肥滿的蚵仔，比香港街邊碗仔趐更美味可口。
最多香港人認識的麵線店，首推西門町「阿宗麵線」，跟團必到旅遊景點。但你問台灣人，最好的蚵仔麵線在那裡有得吃？咁就唔駛講一定係「油庫口麵線」。
板橋文化路的油庫口麵線，係我食過最好食既蚵仔麵線，蚵仔飽滿，大腸口感一流，老闆自己手製麵線，加入秘製配方，成為家傳戶曉，口耳相傳既一家名店。
十五年前老闆和妻子一起騎著三輪車將親手製的麵線推至板橋各個小巷裡叫賣，某一日，倆人將三輪車擺在當時中油油庫口前，就這樣每碗十五元的麵線開始賣，估唔到生意愈來愈好，老闆就開店營業喇，就取店名為「油庫口」。
順帶一提，門口仲有賣香腸，台式香腸之中，呢一間都係非常好，香腸配麵線簡直係絕配。依家賣30蚊台幣一碗，真係好平又抵食，去台灣，一定要試下最好食既蚵仔麵線！
另外，老闆會幫人客「睇水」，好多人會停車係門口，但其實係會俾警察抄牌同拖車架，所以一有警察黎，老闆就會大聲叫大家「通水」架！

地址：板橋市文化路一段188巷44號（中山國中旁）
營業時間：11時30分至下午7時（賣完為止）
每個月第二、第四個星期一休息

很多人都喜歡砌模型，一盒玩具模型，大概可消磨一整天甚至一星期時間。生產模型玩具最出名係Bandai，而Bandai最賺錢模型系列，係「機動戰士Gundam」系列，長賣長有，每個月都有新款，而且Gundam比較容易砌。
如果你去買一盒Gundam模型，又唔可以拆開睇，單從盒外面，你如何知道分別？
模型價格視乎比例同精密，愈精密當然愈貴，比例大亦比較貴，例如1/100 比 1/144 貴。
主要分為1/144、1/144HG、HGUC、1/100HG、MG、PG… 價錢亦由平至貴。
HG，即是high grade，HGUC，就是HG universal century，兩者都係一般可以普遍買既模型，量產型(大量化生產)，所以價錢適中，亦都適合初學者，而且適合自己改裝。
MG係master grade，故名思義，係master級，適合模型玩家，比例一般係 1/100。
PG係perfect grade，比例一般係 1/60，已經係半件藝術品，但砌既難道亦都高，因為零件多而細小精密，可活動關節都比較多。
通常係個盒面已經寫得好清楚係HG定係MG，所以唔好買錯呀！

例子：
MG 的Gundam完成品
HGUC 的Gundam完成品
HG 的Gundam完成品