吃喝玩樂

不知大家小時候有沒有玩呢？70年代至85年左右 (很多人還沒有出生吧=.=!)，遊戲機還沒有流行的時候，這個塑膠盒子一段時間大受歡迎呢！小小的的一個彈珠遊戲，可以放到恤衫的口袋中，最受歡迎的，是棒球遊戲。
還有一款是迷宮遊戲，把鋼珠由一邊走到另一邊。
現在生產商TOMY把這個小時候的遊戲復活了，推出了復刻版，不過售價不菲呢，2520日元。

官方網頁

細路仔果時，有一次睇到「粵語長片」，有個女主角係雍雅山房同阿謝賢飲下午茶，謝賢問佢飲咩，佢話要杯「珍多冰」，咁我就好奇怪咁想試下咩叫珍多冰喇，因為係黑白長片，睇唔到咩樣既一杯野，所以就問我媽，咩叫珍多冰呢，可惜，佢唔知。
於是四圍去搵，最後搵到呢一杯Gendol，究竟珍多冰係印尼、越南、星馬，定係泰國既呢？不過就俾佢花花綠綠所吸引，真係好想飲呀，點知……
「呢杯係三色冰，你左手邊果杯先係珍多冰…」=.=a
oh，原來係咁，最底一層係椰漿，加入黃糖，綠色o者喱條(果凍)，煉奶，再加上好多碎冰，最緊要係插一支…飲管(吸管)，咁就係我認識既珍多冰喇，好甜呢！^^

粟米，又叫玉米。
有
時懶得煮野食，會煮粟米黎食，咁會好簡單就解決肚餓又可以滿足口福。一般人煮粟米，都係先開一大煲水，等水滾至放粟米入去煮，煮到咁上下先撈起d
粟米，但係呢個方法有好大缺點，如果你煮兩條粟米，一樣係需要好大煲水，又要柴火去煮，最大問題係粟米既甜味會流失入水中，除非你打算飲埋d
水佢，否則只會係浪費水、柴火同粟米甜味既做法。
我成日教人一個四分鐘叮粟米法，不單止慳水、慳柴火，仲可以令粟米既甜味唔會流失既方法，而且只需要四分鐘，實在係懶人界既奧義，為食界既必殺技……嘻嘻(自我幻想中…)
方法好簡單，粟米去左葉，用廚房常用既「抹手紙」包住佢，然後浸濕整張紙，放入碟，入微波爐，叮四分鐘，咁就食得喇。
不單止甜呀，仲要快，懶人咁就一餐，Yummy。

尋
日係至聖先師孔子2555歲生日，係孔子故鄉山東曲阜既孔廟，舉行左盛大祭典儀式，其實韓國、日本、新加坡、香港、台灣都同大陸一樣，係同一日祭孔子，而
且大部份都係遵循古禮，祭孔典禮有一個專有名稱叫做「釋奠」，依古制要行最隆重的三獻禮(初獻禮、亞獻禮、終獻禮)，由身穿禮服的祭官來行釋奠之禮，接著
跳六佾舞、奏雅樂、讀疏文、撤饌、送神、望燎，每個儀式都不能馬虎。
六佾舞係古代典禮演出既舞，為諸候所用，以六行六列共36人組成，因孔子死後，被追諡為諸侯(文宣王)，舞樂並起，獻上最崇高之敬意。
但不宜以天子用既八佾舞 (八行八列六十四人)，論語的八佾篇有記載，孔子謂季氏：「八佾舞於庭，是可忍也，孰不可忍也？」此章是孔子評論魯卿季孫氏僭用天子的禮樂，大大不敬。
下次有機會，記得去孔廟睇下盛況呀！

說到蛋餅嘛，要說一個故事：
在台北，有一間學校名叫「師大附中」。在師大附中的後門外，曾經有一個叫做黃建成的人，在那兒擺了一個小攤，賣的是「蛋餅」，一直賣到四年前，已經賣了三十八年了。
師大附中的老師和同學，一直都叫他做「蛋餅伯」。誰能像「蛋餅伯」那樣，在同一個地方，一賣就是三十八年，看著多少學生成長，為他們的成長默默付出一生，成為「師大附中」的傳奇人物？
根據台灣《聯合報》記者陳俍任和牟玉珮報道，四年前的十月三十日，因為「蛋餅伯」棲身的地方，被收了回去，他不得不被迫退休，結束了三十八年的賣蛋餅生涯，搬去嘉義居住。
「那一晚，就讀高二的蔡宗翰，幫忙推著蛋餅伯的攤子回宿舍，隔天是他的生日，蛋餅伯仍開心地為他做特製的免費『生日蛋餅』，他用力咬著特大號的蘿蔔絲與蛋，夾雜著感動與難過……」
「是！生日蛋餅、免費、特大號、帶有情感的」附中校友江偉銘說，只要蛋餅伯知道附中人當天生日，馬上會煎一分特製的蛋餅當禮物，沒有家眷的他將附中的孩子當成自己小孩一樣，對近四十年來的附中人來說，蛋餅伯卻是「校園文化」的延伸。
似乎，人世間有感情的東西，都在現代化的都市失去了。都市給人的感覺，似乎就是不讓人與人之間，發生深厚而真摯的感情。難怪食物裡，只有金錢和利潤的味道，而沒有了感情的味道。沒有感情味道的食物，做得再好，也缺少了真味。
二零零五年的六月十二日，「蛋餅伯」在台灣嘉義縣病逝了。
電視在報導，每一個認識他的人都感到難過。如果想多一點了解蛋餅伯的話，你可以在網上搜尋「蛋餅伯」三個字，就可以找到更多點點滴滴。

係台灣，蛋餅係平常既食物，好多人早餐就係一個蛋餅加一碗豆漿。差不多每個國家都有自己既蛋餅，好似法式蛋餅、美式蛋餅、韓式蛋餅、日式蛋餅，就只有香港無…
蛋餅係好平宜食物，$40台幣以下都可以食到唔同種類既蛋餅，好似鮪魚蛋餅、鮭魚蛋餅、培根蛋餅、玉米蛋餅、起司蛋餅、肉鬆蛋餅… 原味既蔥油蛋餅一樣係咁好味。煎得香濃蛋味，外皮香軟，又不油膩，如果配奶茶一定更好味！
如果想自己係屋企做，可以去義美買現成既餅皮，網上有好多教做蛋餅既食譜，早餐又可以嘗試新變化呢。

一個令人懷念既地方，古式古香既木椅、屏風、裝修，最上等既茶葉，獨一無二既點心，都係陸羽茶室吸引別人之處。早市時，有大嬸們捧著點心叫賣，午市過後就只能用點心紙了，點心紙的點心每隔一段時間更換。
每
次去到都會叫鐵觀音，用鐵壺泡著，香味濃郁。呢度既點心有好多都係第二處食唔到，好似招牌點心「煎粉果連湯」、「燒腩卷」、「豬潤燒賣」、「雞絲粉卷」同
埋「焗牛扒飯」，都係呢度最好食又獨特既點心。而麻蓉包更係美食之最，煎粉果連湯只此一家，焗牛扒飯係原個焗盆一齊焗，牛扒焗得焦香，飯更係頂瓜瓜。
同兩個茶博士傾偈，原來自從陸羽發生過槍殺案之後，生意都無減少，多左人黎睇下凶案現場，而有錢人，照舊愛陸羽。
好多人話陸羽既茶博士服務態度很差，但我習慣去二樓坐，果兩位大叔非常好人，效率又高，仲會同你傾偈，仲叫我有時間要去鏞記飲茶添！建議大家要去的話，記得上二樓呀！
陸羽另一個缺點係消費貴，點心由$20-45起，至$100都有。

地址: 中環士丹利街24號地下