吃喝玩樂

之前有一篇寫關於蒙古烤肉的文章，月亮問我，要寫蒙古烤肉，為什麼不寫「唐宮」？其實「唐宮蒙古烤肉餐廳」真係蒙古烤肉既名店，經常要大排長龍，而且仲有
鹿肉食。不過我記得去唐宮，最主要係因為我想涮羊肉，北京流行涮羊肉，係台灣，最正宗涮羊肉就係唐宮，連吾爾開希都經常會去呢度懷念家鄉風情。佢地用正宗
羊肉爐，用黎涮羊肉就剛剛好，不過佢地都會用黎做火鍋，就勉強一d，不過，可以一次品嘗「蒙古烤肉」、「涮羊肉」、「台灣火鍋」，唐宮真係抵食架。

地址：台北市松江路283號2樓

上一次去完浸溫泉之後，半夜就去左呢一間茶藝館食飯喝茶。24小時營業既茶館，古色古香，品嘗既係古早味既家常菜，喝既係頂級茶葉。
台式古早風味料理，係坊間唔容易食到架，係台灣鄉村菜，像「破布子」就不是一般餐廳會供應的食物，我都係第一次食到。
而且，一個廂房入面食，正如相片中既一樣，對於我呢一種肥人黎講，坐係蒲團上面，對腳又唔知放邊好，真係坐得辛苦，唯有將對腳伸入檯底:p。
古舊大門、花窗，各式各樣茶壺、茶具，各類形的枕木、古董、盆栽、各種造型的實木桌椅，自己泡茶，真係置身古代一樣。
如果你唔愛喝茶的話，可能會覺得菜有d 咸呢。

地址：台北市承德路7 段1號

記得上一次小如去台灣玩，臨行前佢問我有邊度值得去，我就介紹左佢去北投呢一間溫泉館，北投係台灣既溫泉區，有好多間大大小小溫泉館，呢一間係台灣電視台有介紹過既六星級溫泉館，我覺得一生人至少要去一次浸溫泉，而呢一間係最好既，唯一缺點係無住宿服務。
你可以選擇二人湯屋，係露天溫泉既獨立小屋，二人一小時係台幣1250，貴左少少不過一個小時真係夠架喇。營業時間到半夜一點，如果你怕醜的話，可以好似我咁，夜晚十二點先去，人好少咋。

台北市北投區溫泉路銀光巷21-6號
http://www.apresort.com.tw

最近新聞頭條係大陸輸港鰻魚九成含有致癌物「孔雀石綠」，香港就暫停輸入鰻魚。唉，我最鍾意食鰻魚，日本係大陸投資一個好大既鰻魚場，呢次唔止影響香港，其實對日本都好大影響。
要做一碗鰻魚飯，要好多工序，差不多要一個小時，剖鰻→串鰻→白燒→蒸鰻→抹醬→炭烤→添飯→抹醬於飯上→擺上鰻魚。
最重要係醬汁，日本叫鰻魚做「穴子魚」，穴子魚醬係鰻魚飯既靈魂，好既醬汁可以去腥味，甜味能增進食慾，而浦燒就最能帶出鰻魚香氣。
唉，幾時先有鰻魚食呢？

台灣冬天三寶，薑母鴨係其中之一，被稱為帝王食補，其實就好似火鍋咁，一個鴨肉煲，加入炸豆皮，因為薑可以驅寒，所以冬天食會覺得好好，不過我地夏天去，結果一身汗。

呵呵~ 新遊戲入手喇！
日本最受歡迎漫畫少年JUMP月刊漫畫主角大集合，努力中！

最後一日放工時，同事俾左少少comment我個blog，就係唔好成日帶佢地去食野，想我寫多d內心感受，特別係最後一日上班既感受。
放工時，心入面諗，可能有排都唔係紅磡區食飯，不如食餐好d，我記得紅磡有一間贏到優質旅遊服務獎，又參加左食神爭霸戰既名店，我又鍾意飲湯，放左工就去喇… (結果都係去左食…)
「小魚滋味」開業不足三年，但就好多人都識得佢，因為佢地師傅都係名廚，招牌菜係「蒜香豆酥魚」，不過今日係為左興祝我離開公司既日子，當然要揀自己喜歡既菜啦。
「招牌鮮魚湯」一煲上，奶白色既魚湯，一定要趁熱喝，唔係凍左就會腥架喇，魚肉好嫩滑，湯好細滑，無渣，飲完覺得唔夠喉，於是再叫一個「照燒銀雪魚泡飯」，銀雪魚用日式照燒方式，分碟上，飯係魚湯泡飯，呢個算係水準之作，再叫兩個小食，「曲香怪味雞」、泰式豬頸肉、椒鹽豆腐粒… 想叫椒鹽魷魚鬚不過今晚無供應，改叫「酥炸魚腐」，不過…魚腐無乜味道… =.=”
怪味雞我以前係鴻燕食過，呢到d雞皮薄無肥肉，感覺呢一間店如果能夠保持水準，生意一定非常好。