吃喝玩樂

晚飯後食左一個火龍果，好奇怪屋企人唔喜歡食蓮霧、火龍果一類味道清淡既水果，反而鍾意食芒果、榴連、楊桃一類味重水果，只有我一個人比較另類，所以我就肩負起食晒清淡水果既任務。
火龍果係仙人掌科植物既果實，夏天晚上會開花，結成果實後有紫紅色既外皮，包住白色或者紅色既果肉，差不多無天敵既存在，所以種植火龍果完全不需要用農藥，果肉清甜，白肉比較香，紅肉則酸酸甜甜。
我喜歡切開兩半，用湯匙去享受火龍果，而且，中秋節前後，火龍果特別香甜呢！