吃喝玩樂

自從小林尊成為全世界最鯨吞既人之後，七年之間未逢敵手，大陸就吹起一鼓競食比賽風氣。為左宣傳產品，往往會辦競食比賽，冠軍有獎品，輸左都有記念品，但往往忽略安全。
今日打開報紙，中秋期間，大陸就因為咁出事。
事件一：
湖南辦左一個競食月餅大賽，一分鐘內鬥食最多月餅，期間唔准飲水，第一名可以得到價值38蚊人民幣既主辦單位保健產品。一個75歲參賽者食左三個月餅，贏得三個曬衣夾。然後全身抽搐，面色發紫，被月餅啃(噎)到，咁就斷送一條命。
事件二：
又係今日發生大陸，辦左一個競飲白酒大賽，一分鐘內鬥飲得多。有一個唔怕死既女子參賽，一分鐘飲左兩支白酒，即場暈倒。佢係急性嚴重酒精中毒，送院後經24小時搶救，無生命大礙，但因為嘔吐物入肺，引致肺炎，要留院。
雖然主辦單位承認責任，但就無法例話比賽競食死亡係犯法既，唉，唔該唔好再用食物黎玩啦…