吃喝玩樂

講到台灣美食，首推蚵仔麵線，麵線羹香滑甜，加入肥滿的蚵仔，比香港街邊碗仔趐更美味可口。
最多香港人認識的麵線店，首推西門町「阿宗麵線」，跟團必到旅遊景點。但你問台灣人，最好的蚵仔麵線在那裡有得吃？咁就唔駛講一定係「油庫口麵線」。
板橋文化路的油庫口麵線，係我食過最好食既蚵仔麵線，蚵仔飽滿，大腸口感一流，老闆自己手製麵線，加入秘製配方，成為家傳戶曉，口耳相傳既一家名店。
十五年前老闆和妻子一起騎著三輪車將親手製的麵線推至板橋各個小巷裡叫賣，某一日，倆人將三輪車擺在當時中油油庫口前，就這樣每碗十五元的麵線開始賣，估唔到生意愈來愈好，老闆就開店營業喇，就取店名為「油庫口」。
順帶一提，門口仲有賣香腸，台式香腸之中，呢一間都係非常好，香腸配麵線簡直係絕配。依家賣30蚊台幣一碗，真係好平又抵食，去台灣，一定要試下最好食既蚵仔麵線！
另外，老闆會幫人客「睇水」，好多人會停車係門口，但其實係會俾警察抄牌同拖車架，所以一有警察黎，老闆就會大聲叫大家「通水」架！

地址：板橋市文化路一段188巷44號（中山國中旁）
營業時間：11時30分至下午7時（賣完為止）
每個月第二、第四個星期一休息