吃喝玩樂

若干年前，放暑假去番禺親戚屋企玩，呢一次旅行食到好多以前未食過既野，好似油爆禾蟲、生食瀨尿蝦、淡水魚生咁…
淡水魚生係順德名菜，不過食淡水魚生可以話係搵命搏，因為淡水魚通常都會有寄生蟲，亂食淡水魚生可能會感染肝吸蟲，到時就會上報紙架喇…
就算係日本人都好少食三文魚刺身，因為生長係日本既三文魚係屬於鹹淡水交界魚類，佢地怕有蟲所以唔食架。
話
說中式淡水魚刺身同日本刺身食法都幾大分別，淡水魚身上油脂不多，要將魚肉切成薄片，薄到透明，一碟大既只有八到十片，然後要淋d
熟油係上面，再加鹽、薑絲、蒜片，撈埋就食得架喇，不過有人就會加埋蘿蔔絲、芋絲、芥辣、鹹脆花生咁。d
魚骨就酥炸，魚頭就煲湯，實行一魚多吃。淡水魚生爽口，清淡帶一點點甜，唔會腥，一次我大概可以食到五到六碟啦。