魚麵
2005年09月09日香港食到魚麵機會不多，不過如果你識搵都可以搵到，灣仔、九龍城、旺角花園街都有。
魚麵除左有濃郁魚味之外，非常彈牙，煮麵的上湯都變可口鮮湯。
製作方法係先將魚肉打成魚蓉或魚漿，之後再製成麵條。台南、馬祖做法係將麵條曬兩天製成乾麵，魚味濃郁。香港食到既都係潮式，即係鮮魚麵，鮮味非凡。
記得以前睇過一本關於煮食既漫畫，叫做「中華小廚師」(日本原名：中華一番)，有一次比賽，大會出左一道難題，要做一道「麵．非麵」，食落係麵，但又唔係麵。主角就係用鯰魚麵贏左比賽。
如果食傳統既全蛋麵，又或者日式即食麵有D厭倦，不如試下食魚麵丫，一食難忘。
Posted in: 吃的豆知識 |
回應(2) | 回應的RSS | 暫時未有引用通告| 
(0)
2005 十月 16 at 4:40 am 借黎放o係食版丫, 唔該.....
我個版呢輪生意慘淡呀.
2005 十月 16 at 4:40 am 咳~ 阿ceo 你鍾意咪囉去囉，唔駛寫話係我個blog囉架喇，你係呢度話我知你囉左去用就ok架喇，好似走去forum 賣自己廣告咁，有少少唔好意思添… 哈哈~