吃喝玩樂

尋日貓子問我，咩係「魚扣」呢？
其實魚扣係魚既胃，但唔係咩魚都會有魚扣，最常見係烏頭、桂花魚同鯇魚，但一條魚只會有一個魚扣，要做一碟椒鹽魚扣就要用上好多條烏頭，香港人食得好刁鑽，要食魚扣、魚唇、魚鰾，一條魚得少少。
魚扣爽口，所以要豉椒炒或椒鹽炒，魚唇最好係做羹，魚鰾，香港人叫魚卜，膠質豐富而有咬口，最好就薑蔥爆香，連煲上。