吃喝玩樂

最後一日放工時，同事俾左少少comment我個blog，就係唔好成日帶佢地去食野，想我寫多d內心感受，特別係最後一日上班既感受。
放工時，心入面諗，可能有排都唔係紅磡區食飯，不如食餐好d，我記得紅磡有一間贏到優質旅遊服務獎，又參加左食神爭霸戰既名店，我又鍾意飲湯，放左工就去喇… (結果都係去左食…)
「小魚滋味」開業不足三年，但就好多人都識得佢，因為佢地師傅都係名廚，招牌菜係「蒜香豆酥魚」，不過今日係為左興祝我離開公司既日子，當然要揀自己喜歡既菜啦。
「招牌鮮魚湯」一煲上，奶白色既魚湯，一定要趁熱喝，唔係凍左就會腥架喇，魚肉好嫩滑，湯好細滑，無渣，飲完覺得唔夠喉，於是再叫一個「照燒銀雪魚泡飯」，銀雪魚用日式照燒方式，分碟上，飯係魚湯泡飯，呢個算係水準之作，再叫兩個小食，「曲香怪味雞」、泰式豬頸肉、椒鹽豆腐粒… 想叫椒鹽魷魚鬚不過今晚無供應，改叫「酥炸魚腐」，不過…魚腐無乜味道… =.=”
怪味雞我以前係鴻燕食過，呢到d雞皮薄無肥肉，感覺呢一間店如果能夠保持水準，生意一定非常好。