陳東記
2005年08月07日02年6月，陳東記結業，對「陳東記」美食既懷念只能在回憶裡。
電影「食神」令到到陳東師傅既「瀨尿牛丸」家傳戶曉，當年因為想試下呢味菜，專登走去尖沙咀陳東記，當年客似雲來，一坐低就會奉上功夫茶俾客人，陳東記係以潮州菜為主，每次去我都會點幾味菜，鹵水鵝片、蠔仔粥、食神牛丸麵、楓蜜川椒豬頸肉(現已失傳…可惜…)、鴨肉酥盒…
瀨尿牛丸秘訣係將瀨尿蝦(台灣叫「蝦蛄」)肉剁碎，加入豬油粒做餡，豬油遇熱溶化，令到牛丸變成中空，所以可以在檯上彈起。
晚膳時間，多數可以見到一個大肚腩，全身帶著很多金牌既陳師傳係店入面四圍穿梭，佢會同食客傾偈，問下客人對菜式既意見。
轉眼間陳師傅已經離開左四年，一代食神，仍然長留好多人心裡。
Posted in: 吃的豆知識 |
回應(2) | 回應的RSS | 暫時未有引用通告| 
(0)
2005 十月 16 at 2:50 am 我印象中既"陳東記"反而麻麻地.因為間野都幾迫,同埋裝修都幾"懷舊"下...想當年我都有去食過d小菜.牛丸,牛奶津白,鹵水鵝片,蠔仔粥,凍蟹咁~~~~ 不過我真係唔知間野已經接佐...仲諗住有機會再去食過tim!
2005 十月 16 at 2:51 am 陳東記係潮州菜館黎講，已經係走高檔路線，以新派潮州菜為主打，做日本客生意為主，九龍城城南道既「創發潮州飯店」，佢就o岩o岩相反，地痞格局，純以美食招客。呢間就任何叫得出既正宗潮州菜都有。招牌菜係「鹹菜豬肚湯」。