吃喝玩樂

我阿媽雖然係食魚專家，但講到蟹，佢就輸我九條街，佢咁大個人都未食過大閘蟹同黃油蟹，於是今日放工，見到d 黃油蟹好靚，就買左幾隻返去喇。
農曆六月至七月係黃油蟹既季節，打開個殼，成隻都充滿黃油，蟹羔又肥美。
因為太累，放左工就訓左一陣，結果訓醒，阿媽已經蒸好d蟹，我一睇，唉，浪費。因為全部蟹都好生猛，所以我媽唔識煮，只係反轉蒸，結果d 蟹四圍爬，d黃油已經走晒去鑊蓋… 無晒… (我老爸洗到手軟，媽媽聲，哈)
於是一邊食一邊教佢煮喇，其實黃油蟹最緊要係黃油，無左黃油就只剩下羔，打晒折扣。
煮法係應該先用冰水凍死d蟹，再放入雪櫃三十分鐘，之後反轉蒸十分鐘，就可以食得喇。