吃喝玩樂

尋日係西灣河一間著名既鹵水店買左鹵水鵝同豬耳，名店即係名店，除左排長龍之外，d肉質真係鮮美，特別係上莊 — 鵝既上半部，皮薄肉厚，又軟又嫩。
豬耳先係極品，豬耳既軟骨唔會太硬又有咬口，d皮肉咬落去唔覺得肥，d毛刮得好乾淨。
一般人買鵝，喜歡飲酒既可能會買鵝頭、鵝翼、鵝頸、鵝掌。而家庭主婦可能會買下莊，即係鵝係下半部，貪佢有隻脾，其實下莊只係得個脾食得，連住個鵝屁股未必有人食，下半身又比較肥，所以想啖啖肉，記得要上莊！
真係要推介，係西灣河太安樓對面，順興潮汕滷味專門店，佢地會幫你去埋骨。