吃喝玩樂

剛公報「夏季觀眾最滿意日劇」調查報告，伊藤英明和加藤愛主演的「海猿」，意外地擊敗「電車男」和「龍櫻」，成為冠軍。
佐藤秀峰、小森陽一原作的漫畫，主角仙崎大輔係日本海上保安員潛水士一名，故事主要圍繞海上保安員救人工作。舊年拍成電影，今年再拍成日劇。由於得到政府同海上保安廳全力協助拍攝，所以電視比漫畫更有壓迫力！
由於日劇收得，明年會再拍海猿電影版第二集。我比較喜歡救難漫畫，好似消防員的故事、山難拯救隊，同埋海猿，都係值得推介既漫畫，如果你對漫畫無興趣，不如試下睇呢一套日劇。

日本官方網頁：海猿-UMIZARU EVOLUTION-

因為呢套劇成為左話題，所以我都想發表一下自己睇左之後既感受，作為一個家長的話，睇到小孩子被老師體罰，多少會感到心痛而對劇中老師批評，但係，在我個
人立場黎講，劇中呢一班學生又的確係有問題，每一次都會有一兩個人做出影響全班的事出黎，在我讀書年代，呢一種事跟本唔會發生，全班都好安靜上堂，唔會突
然企係課室大聲唱歌都覺得老師罰得唔o岩，又或者老師責罵時駁嘴甚至企出黎幫人對抗老師，而呢一種事發生在日本呢種紀律國家就更不可想像。老師話，只要你
肯道歉，就會得到原諒，但學生就覺得跟老師對抗係講義氣既表現。剛開始睇呢套劇時，的確多少會同情學生，但想深一層，學生在課室上課，本來就應該嚴守紀
律，安靜上課嘛。好似第二、三集，全班要在校慶時表演跳舞，老師嚴格的要求，最終令到全校老師、家長都覺得表演非常好，但有人逃避演出機會，亦有人為左講
義氣而唔演出，最後怪責為左有機會演出而投向老師的學生出賣他們，家長們問起時，只會說謊話肚痛所以無演出，而唔敢講出因為不聽老師話而無得演出的事實，
看來，的確需要老師好好調教一下佢地呢！

今季夏季日劇，似乎係「電車男」世界，其他偶像劇如「slow dance」收視並不理想。倒是一套日劇收視節節上升，由天海祐希主演既「女王的教室」，在日本引起激烈回響。
從
前播「GTO」時，家長還能接受一個飛車黨教師，但「女王的教室」就將日本家長分成支持和反對兩個陣形，而且辯論愈黎愈激烈，連日劇傳統片頭播映贊助商名
字，都因為受壓，贊助商要求抽起不要播出名字。每一集播出街之後，官方網頁隨即有過萬留言，有人主張立即停播，有人則支持日本要有這樣的教師才可以教育好
下一代。
故事內容本來己經有好大爭議性，引發話題效應實在超出想像，不過我個人覺得，站在觀眾立場，呢套日劇非常值得欣賞！
故事係講六年級學生開學時黎左一個新班主任，呢個班主任以極嚴厲管教方式去教育呢一班學生，每星期一次考試去決定坐號，成績高學生會享有特權，成績差學生會成為奴隸…
只有第一二名學生有資格可以同班主任傾偈，考第尾兩個要做班長，班長係負責所有打掃、派午飯、打雜既工作，如果有反抗班主任既人就會取而代之成為班長…
君臨天下的女王教師，一集比一集殘酷，學生想反抗，都失敗收場，其實佢想學生明白到社會既殘酷，努力讀書既人先可以生存，不過對小學生黎講，又未必可以令佢地明白…

尋晚搵到一套超級搞笑西遊記，叫做「齊天大聖」，主角唐三藏係一個鬼佬，佢同觀世音菩薩(白靈飾演)係相戀既，仲有豬八戒、沙僧都係鬼佬，真係睇得好好笑架，當然劇情就唔可以太講究，不過特技都幾好睇。

石原裕次郎是日本有名的超級名星，他已經去世十多年，他哥哥就是石原慎太郎，日本東京都知事，有名的右翼反華分子。但是他也是日本有名的作家，1955年
石原出版短篇小說《太陽的季節》，獲得第一屆文學界新人獎，並成為當時日本史上最年輕的芥川龍之介獎的得主。1996年石原慎太郎從哥哥的角度，以弟弟石
原裕次郎的一生為題材，日本昭和時代文藝界的超級巨星寵兒，寫下了發行量突破120萬本的長篇小說《弟》。
在我們父母年代，石原裕次郎可算是國際級巨星呢。
該小說改編成五集電視連續劇，在日本引起了極大回響，據說，幾乎所有觀眾都以「感動和淚水」來評價該劇。
吸引我係因為男主角係我欣賞既長瀨智也，佢飾演哥哥石原慎太郎。

作者為「中野獨人」，所謂『中野獨人』，是『群聚在網路電子佈告欄（BBS）上的獨身男性』的總體虛構名字，但本書內容完全是根據日本2ch網站上的真人實事結集而成。
「電車男」係一本好好笑的小說，最近拍成電視劇。男主角22歲，從沒交過女友既處男，一次見義勇為，在電車上阻止了醉漢騷擾一個美麗女生，電車男對可愛的女孩有些心動，直到他收到女孩送他Hermes茶杯做為謝禮，電車男終於下定決心化心動為行動！
但
到底該怎麼做才好呢？遲遲不敢打電話的電車男，於是在BBS
(forum的前身)上向其他網友們求救。看到他真摰的留言，同病相憐、感同身受的眾網友們紛紛為他加油打氣，並且絞盡腦汁地幫他出主意。一人一個
post，有人打表情符號為佢加油，睇得會心微笑。終於佢鼓起勇氣打電話喇……
我睇日劇時，見佢打電話，真係同d 網友一齊緊張呀！

日本官方網頁

自從「料理之鐵人」後，日本製作了一系列的美食比賽節目，目前最受歡迎的，要算是 Yomiuri(YTV)的「Dotch cooking show」，台灣緯來日本台譯做「料理東西軍」，徐若瑄有做過嘉賓的節目。
比賽方式跟SMAP X SMAP
的BistroSMAP一樣，分成兩組對決，選用最上等食材即時現場製作，由七位嘉賓選擇想吃那一邊的料理，過程中，會播出片段介紹食材來自那一地方，有
時為左搵食材，甚至會飛到台灣、大陸、外國等地方去尋找。好似專登走去四川搵「榮昌豬」做五花腩肉，又或者跑去台中竹山搵竹筍做拉麵既配菜竹筍乾…
兩個主持努力hard
sell自己果邊係最好味既，嘉賓個個心大心細，中間會有俾嘉賓反悔既時間，製作完成時又會俾佢地最後機會，決定食邊一方既料理，然後人多一方勝出，勝出
一方可以品嘗到美味既料理，而輸既一方就無得食，要睇住人地食。最後個廚師會食返自己輸左既料理，做一個反省。
節目已經第三年，係台灣非常受歡迎，有人甚至以當晚節目食咩，佢地就食咩黎行動上支持呢個節目呢！

台灣網頁
日本網頁