吃喝玩樂

情人果酸甜滋味，如像戀愛的味道，所以深受年青人喜愛。而情人果，其實係用台灣土芒果，製成芒果青，再加工的蜜餞芒果乾。
芒果並非原產於台灣，而係荷蘭人統治時期引入。芒果原產地應該係印度，印度人都係芒果樹下求婚，甚至婚禮也在芒果樹下舉行，所以芒果就稱為「情人果」。
菲律賓芒果乾香氣濃郁，入口如同食上等芒果一樣；而台灣情人果，則像泡菜一樣，酸甜感覺讓你垂涎。
買蜜餞作手信也不錯，情人果更係首選。

粟米，又叫玉米。
有
時懶得煮野食，會煮粟米黎食，咁會好簡單就解決肚餓又可以滿足口福。一般人煮粟米，都係先開一大煲水，等水滾至放粟米入去煮，煮到咁上下先撈起d
粟米，但係呢個方法有好大缺點，如果你煮兩條粟米，一樣係需要好大煲水，又要柴火去煮，最大問題係粟米既甜味會流失入水中，除非你打算飲埋d
水佢，否則只會係浪費水、柴火同粟米甜味既做法。
我成日教人一個四分鐘叮粟米法，不單止慳水、慳柴火，仲可以令粟米既甜味唔會流失既方法，而且只需要四分鐘，實在係懶人界既奧義，為食界既必殺技……嘻嘻(自我幻想中…)
方法好簡單，粟米去左葉，用廚房常用既「抹手紙」包住佢，然後浸濕整張紙，放入碟，入微波爐，叮四分鐘，咁就食得喇。
不單止甜呀，仲要快，懶人咁就一餐，Yummy。

係台灣，蛋餅係平常既食物，好多人早餐就係一個蛋餅加一碗豆漿。差不多每個國家都有自己既蛋餅，好似法式蛋餅、美式蛋餅、韓式蛋餅、日式蛋餅，就只有香港無…
蛋餅係好平宜食物，$40台幣以下都可以食到唔同種類既蛋餅，好似鮪魚蛋餅、鮭魚蛋餅、培根蛋餅、玉米蛋餅、起司蛋餅、肉鬆蛋餅… 原味既蔥油蛋餅一樣係咁好味。煎得香濃蛋味，外皮香軟，又不油膩，如果配奶茶一定更好味！
如果想自己係屋企做，可以去義美買現成既餅皮，網上有好多教做蛋餅既食譜，早餐又可以嘗試新變化呢。

一個令人懷念既地方，古式古香既木椅、屏風、裝修，最上等既茶葉，獨一無二既點心，都係陸羽茶室吸引別人之處。早市時，有大嬸們捧著點心叫賣，午市過後就只能用點心紙了，點心紙的點心每隔一段時間更換。
每
次去到都會叫鐵觀音，用鐵壺泡著，香味濃郁。呢度既點心有好多都係第二處食唔到，好似招牌點心「煎粉果連湯」、「燒腩卷」、「豬潤燒賣」、「雞絲粉卷」同
埋「焗牛扒飯」，都係呢度最好食又獨特既點心。而麻蓉包更係美食之最，煎粉果連湯只此一家，焗牛扒飯係原個焗盆一齊焗，牛扒焗得焦香，飯更係頂瓜瓜。
同兩個茶博士傾偈，原來自從陸羽發生過槍殺案之後，生意都無減少，多左人黎睇下凶案現場，而有錢人，照舊愛陸羽。
好多人話陸羽既茶博士服務態度很差，但我習慣去二樓坐，果兩位大叔非常好人，效率又高，仲會同你傾偈，仲叫我有時間要去鏞記飲茶添！建議大家要去的話，記得上二樓呀！
陸羽另一個缺點係消費貴，點心由$20-45起，至$100都有。

地址: 中環士丹利街24號地下

說起阿婆鐵蛋，就會想起淡水。跟據台灣教科書記載，40多年前，淡水渡船頭旁邊有一間麵店，每一日都有好多滷蛋賣剩，丟左好可惜，就將佢地回鍋，點知再滷完之後，d蛋變成又黑又細，d食客試過覺得好有風味，有咬勁，愈咬愈香，就成為「阿婆鐵蛋」喇。
將雞蛋或者鵪鶉蛋，用五香滷汁滷製，經海風吹乾，再滷製，再風乾，如此反覆七次，蛋白層變成黑色一層皮，就成為「石頭蛋」喇，又即係今日既鐵蛋。
純正既鐵蛋係呈黃褐色而非純黑色，愈細粒愈有嚼勁，但由於無防腐劑，所以採用真空包裝，要冷藏保鮮，去淡水，記得買一包試下！

淡水有四大名產：阿給、魚酥、鐵蛋、魚丸，今日介紹一下淡水魚丸。
記得badtz有一次去到淡水，見到魚丸，同香港既魚蛋有咩分別呀？所以就無食到喇，返到黎香港，同我講起，我就笑佢笨喇，淡水魚丸裡面有餡架！佢聽完都後悔無食到添。
淡水魚丸係用鯊魚丸做，將鯊魚肉打成漿，中間包肉燥，製成魚丸，外表像墨魚丸的白色，內裡像醬爆牛丸的汁，吃起黎彈牙香口，湯頭鮮甜。
係香港食唔到淡水魚丸湯，不過可推介大家可以去灣仔駱克道街市旁的桃園麵家，試下醬爆鯊魚丸，味道有幾分相似架！

灣仔軒尼斯道229號A地下
最有名係咖喱、鯊魚丸同焗飯

近年，台灣流行吃野菜，因為蔬菜有大量農藥，有機蔬菜又漲貴，所以好多人就去山中找尋野菜，因為野菜本身有一種氣味，害蟲不喜歡，所以無需農藥。野菜之中，最出名係「飛機菜」。
飛機菜即係昭和草，日本人佔據台灣時，由於士兵水土不服，所以日軍就用飛機，空投日本本土既昭和草種子，曬在台灣土地上，以供食用。
野菜有一種原始既草味，莖葉柔軟多汁，用黎炒或者油炸飛機菜都係好好味，味道就好似茼蒿菜咁。放假時，最好走到山中，舒放城市壓力，吃一口原始野菜，感受大自然既生命力。