吃喝玩樂

今日看到一篇文章，道盡選美評分既問題，單一評判喜惡極端，足以改變賽果。
城中一年幾次選美會，都係邀請評判俾分，選出最高分者為冠軍，成日都聽人話「造馬」，咁究竟可以點樣造馬，想選邊個就邊個呢？有一個故事如下：
一位知名女星被邀到內地做一個中小型選美的評判，她入場前問一位好友有何心水人選。這好友說其中一位佳麗是他世侄女，條件不俗。女星聽完，笑了一笑。到宣布賽果，真的是好友的世侄女勝出。
好友後來問她給了世侄女多少分，她淡淡然說﹕「一百分。」其他呢﹖「每個都是零蛋。」
女星如此極端的評分，當然也被計分的工作人員追問，問她有否寫錯，她只答一句﹕「我只喜歡她，其他的一點都不美，我真的這樣想，不可以嗎﹖」

學名叫做「羅勒」Basil，紫蘇科既一種香料。係台灣經常加入料理之中，年輕時候去到台灣，一食就愛上，其實香港都有，不過好少家庭主婦會使用，反而星加坡同泰國會常用，因為美味，當地人叫佢做「金不換」。
我喜歡九層塔甜甜既香味，如果你都喜歡九層塔既美味，唔需要去「金不換泰國菜館」先有，係灣仔街市就可以搵到。

尋日貓子問我，咩係「魚扣」呢？
其實魚扣係魚既胃，但唔係咩魚都會有魚扣，最常見係烏頭、桂花魚同鯇魚，但一條魚只會有一個魚扣，要做一碟椒鹽魚扣就要用上好多條烏頭，香港人食得好刁鑽，要食魚扣、魚唇、魚鰾，一條魚得少少。
魚扣爽口，所以要豉椒炒或椒鹽炒，魚唇最好係做羹，魚鰾，香港人叫魚卜，膠質豐富而有咬口，最好就薑蔥爆香，連煲上。

銅鑼灣時代廣場旁邊，有一個美食廣場，叫做「食通天」，以前有d好酒既朋友，會約埋去「shooter52」飲野傾偈，後來都無再去，記得果度有一間韓國
料理，係非常正宗口味，叫做「阿里朗韓國餐廳」。裝修得幾靚，偶然都會有明星紅人黎幫趁。除左有香港流行既韓式烤肉之外，呢度既石頭飯都係好出名。如果叫
一個套餐，大概可以滿足大部份既人，十幾碟泡菜同醃菜，炒粉絲同煎蔥餅等，當然唔少得，唔夠的話，再加一個海鮮鍋就實飽。呢度食飯會見到好多韓國人，亦都
有好多人夜晚係呢度傾生意，可能大家都鍾意呢度既環境同食物質素。而且呢度既食具都好講究，傳統既金屬筷子同金屬湯匙，都係配合韓國人生活既文化。因為韓
國天氣冷，一口氣將熱騰騰既食物食入肚，會燙傷身體，金屬食具係提醒佢地呢一點，而見到韓國人食飯都好慢，都係因為呢個原因，反而我地香港人食野真係快，
我食完一個餐，幾十個菜，隔離檯既兩個韓國人都係食緊一碟飯咋。

地址: 銅鑼灣勿地臣街1 號時代廣場食通天1102室

係香港要食到東南亞美食一d都唔難，但要食到正宗印尼口味既餐廳，我推介呢一間，係中環有一家我常去，叫做「Solo」，門口有一條長長既樓梯，佢地既印尼菜，可似話係香港最高果幾間之一。
最主要一定要試係「東巴牛肉」，因為我唔太食得辣，所以落單時我會叫佢少d辣。呢度既「印尼沙律」係非常好味，特別係醬汁，配白飯非常好。佢地伙記會囉一個飯壺，然後問你要幾多飯？唔夠可以大碟d都無問題。
我鍾意呢度既印尼串燒同埋「森寶大蝦」、「咕喱羊腩」，正宗印尼口味。如果你食唔慣印尼口味，可以試下叫咖喱雞，雞肉好嫩滑，而且呢度都幾平宜，唔算貴。不過日頭會幾多人，夜晚有時呢度會搞下攝影會，幾特別架。

地址: 上環干諾道中137-139 號三台商業大廈1樓

 因為我同月亮都有養龜，所以好多時，要上網搵關於養龜既資料，或者有問題想問，都要靠上網，而且香港沒有非貓狗科既專門獸醫，所以都要去台灣網站搵，就遇
上「小果」醫生，邱醫生網名叫做「小果」，經常係網上免費幫人提供非犬貓科動物既提議同解答問題，因為大家寵物有病唔去睇醫生，反而上網搵小果，所以佢個
網站經常會俾同行攻擊。
我都有帶過龜去佢診所，邱醫生年青專業，所以我都好安心帶寵物去。但人手嚴重不足，所以所有人都要預約掛號，如果你有貓狗以外既寵物，有問題不妨先去小果既網站搵資料。

醫院網站：www.congovet.com.tw
小果討論區：www.congovet.noonhost.com

之前有一篇寫關於蒙古烤肉的文章，月亮問我，要寫蒙古烤肉，為什麼不寫「唐宮」？其實「唐宮蒙古烤肉餐廳」真係蒙古烤肉既名店，經常要大排長龍，而且仲有
鹿肉食。不過我記得去唐宮，最主要係因為我想涮羊肉，北京流行涮羊肉，係台灣，最正宗涮羊肉就係唐宮，連吾爾開希都經常會去呢度懷念家鄉風情。佢地用正宗
羊肉爐，用黎涮羊肉就剛剛好，不過佢地都會用黎做火鍋，就勉強一d，不過，可以一次品嘗「蒙古烤肉」、「涮羊肉」、「台灣火鍋」，唐宮真係抵食架。

地址：台北市松江路283號2樓