吃喝玩樂

灣仔波士頓餐廳真係伴著我們成長，除左「金鳳」之外，港式扒房就以波士頓最好。但近年水準已大不如前，記得好多年前，月亮第一次來香港，我帶佢去波士頓吃牛扒，之後每次來香港都嚷著要去，但這兩年食物水準已經不合格。
細個去波士頓，有「龍躉餐」食，但後來已經無喇，而招牌菜代之而為「火焰劍牛扒」，用一支好似西洋劍的東西，叉住d 牛扒，然後用火點著底部，全支劍就著火，幾有表演效果架。
不過湯已經唔夠熱，食物上桌時間變慢，奶茶檸茶都係流水作業式大量化生產，實在已經沒有水準可言。只能偶然去懷念以前的日子。

自從「料理之鐵人」後，日本製作了一系列的美食比賽節目，目前最受歡迎的，要算是 Yomiuri(YTV)的「Dotch cooking show」，台灣緯來日本台譯做「料理東西軍」，徐若瑄有做過嘉賓的節目。
比賽方式跟SMAP X SMAP
的BistroSMAP一樣，分成兩組對決，選用最上等食材即時現場製作，由七位嘉賓選擇想吃那一邊的料理，過程中，會播出片段介紹食材來自那一地方，有
時為左搵食材，甚至會飛到台灣、大陸、外國等地方去尋找。好似專登走去四川搵「榮昌豬」做五花腩肉，又或者跑去台中竹山搵竹筍做拉麵既配菜竹筍乾…
兩個主持努力hard
sell自己果邊係最好味既，嘉賓個個心大心細，中間會有俾嘉賓反悔既時間，製作完成時又會俾佢地最後機會，決定食邊一方既料理，然後人多一方勝出，勝出
一方可以品嘗到美味既料理，而輸既一方就無得食，要睇住人地食。最後個廚師會食返自己輸左既料理，做一個反省。
節目已經第三年，係台灣非常受歡迎，有人甚至以當晚節目食咩，佢地就食咩黎行動上支持呢個節目呢！

台灣網頁
日本網頁

香港的蠔吧愈開愈多，似乎潮流未退卻。我都鍾意食蠔，生蠔要新鮮，即叫即開最好，一般大既酒店自助餐都係即叫即開，香滑，腥味不重。但係煮熟既蠔，風味又完全不同，即開生蠔當然生食最好，但煮熟後，收縮太多，就無咁滿足，所以一般都會選用美國桶蠔。
桶蠔係外國即開拆肉，放入桶中，再注滿海水，真空密封，飛機空運到港，所以亦都非常新鮮，兼且非常大隻，一啖都吞唔晒，不過如果生食就笨喇。
一般都係煎香再焗，或者酥炸，啖啖肉，其實可以去百佳或者city super，買d桶蠔，自己返屋企，用薑蔥焗，煲仔上，一樣咁好食。

今天閒來無事，就跑去吃碗久違了的味道，上海的牛肉麵。
北京的小巷，叫作「胡同」，上海的小巷，叫做「弄堂」。十年前到上海時，為上海的繁榮所驚
訝，那時候，一句普通話都唔識，問人如何到上海灘，佢話好簡單，只要坐X號公車，到烏魯木齊街下車就可以了。如果有遊客問你路，問你尖東點去，你叫佢去撘X號巴士，去到科學館道落車就得架喇，你估個遊客去唔去到丫？
拿著地圖一看，一條直路一直到外灘嘛，那我就用走吧，我在靜安區，沿著南京西路一直走到南京東路，才不就是一條街之嘛… (一條全國最長的街道…)
走了三個小時… 等一下還得原路走回去…
上海是個特別的地方，從前被外國人拿來做「租界」，就有各種西方建築，一直保存下來，像和平飯店的旋轉門，花旗銀行像一座歐洲的大樓，上海外灘遠眺對岸的電視塔…
另一面，郤是古舊的上海民房，這就是弄堂建築，密密的組成窄窄的弄堂。
弄堂牛肉麵的麵條就是上海麵，牛肉倒沒什麼特別，只有上海菜的特色，大油、味重，就是吃上海的回憶。

有人話，女人與小孩的錢，最容易賺。
小朋友是父母的命根，要什麼有什麼。女為悅己者容，化妝品保養品、靚衫靚鞋已經叫她大破慳囊。
男人都好像一毛不拔，又或者不懂花錢。
其實男人都會花錢，只係叫佢地花錢既仙丹，仲未有發明出黎。
世上有四種仙丹，只要有發明出黎，男人一定肯花錢買。
治陽萎的藥、治禿頭的藥、減肥永久成功的藥、長生不老的藥。
這是我小時候就已經知道的事，那時還未發明「偉哥」威而鋼。後來驗証了，發明的人發達了。
「101生髮水」是騙局，世上就未有治禿頭的藥。
減肥藥雖然都只是短線有效又傷身，買的人還是大有人在。
長生不老藥嘛，發明的人一定不會拿出來賣，也許他就在我們身邊。

有一段時間，喜歡吃茶葉蛋，兩蚊一個，茶香四溢，買了像個小朋友般馬上要吃，常熨到手指。
後來，經常返通宵的工作，沒什麼機會吃到。還好，月亮會自己做，我也有機會吃到。
吃，有時是吃一種回憶，有時是吃一種感覺。
記得以前有一次，因為下午太匆忙，來不及吃午餐，就吃兩個茶葉蛋做午餐，老闆剛好經過，見到我們幾個同事圍在一起吃東西，就跑來看看，有同事遞上一個給他，他婉拒了。然後坐下來跟我們說：
「你地知唔知茶葉蛋要點整先好味呀？我細時屋企有一個秘方…你地知不知要加咩入去茶葉煮先會入味？」
同事都搖頭，誰會知五十幾歲人細時既屋企秘方呢？
「秘訣就係煮茶葉蛋時，加入童子尿，咁就好入味架喇！」
所有人都僵硬了，有的手拿著蛋不動，有的放到嘴邊不動，有的在嘴裡，嘴巴張著不動。
老闆哈哈大笑走開…
有人去廁所吐…

朋友從台灣回來，問我，在士林夜市見到有檔寫著「青蛙下蛋」，應該就是賣青蛙卵吧，怎麼能吃呢？
呵呵，「青蛙下蛋」在士林夜市喜歡咁叫，其實係「粉圓冰」。
所謂粉圓，就係我地成日飲珍珠奶茶裡面既「珍珠」，因為外形好似青蛙蛋，所以士林既老闆都叫佢做「青蛙下蛋」。
靚既粉圓，應該係又軟又Q (有咬感)，賣之前要先煮腍，咁就有彈力又唔會黏牙，加入愛玉冰就變成青蛙下蛋了。