吃喝玩樂

尋晚搵到一套超級搞笑西遊記，叫做「齊天大聖」，主角唐三藏係一個鬼佬，佢同觀世音菩薩(白靈飾演)係相戀既，仲有豬八戒、沙僧都係鬼佬，真係睇得好好笑架，當然劇情就唔可以太講究，不過特技都幾好睇。

石原裕次郎是日本有名的超級名星，他已經去世十多年，他哥哥就是石原慎太郎，日本東京都知事，有名的右翼反華分子。但是他也是日本有名的作家，1955年
石原出版短篇小說《太陽的季節》，獲得第一屆文學界新人獎，並成為當時日本史上最年輕的芥川龍之介獎的得主。1996年石原慎太郎從哥哥的角度，以弟弟石
原裕次郎的一生為題材，日本昭和時代文藝界的超級巨星寵兒，寫下了發行量突破120萬本的長篇小說《弟》。
在我們父母年代，石原裕次郎可算是國際級巨星呢。
該小說改編成五集電視連續劇，在日本引起了極大回響，據說，幾乎所有觀眾都以「感動和淚水」來評價該劇。
吸引我係因為男主角係我欣賞既長瀨智也，佢飾演哥哥石原慎太郎。

電視今晚有介紹這位洋洋女士，她看到很多耕牛給人遺棄了，就成立了這個組織，自己向政府買了這些牛回來養，雖然不懂她這樣做會可以支持到什麼時候，但對生命的珍惜，還是值得尊敬。

相關報導

牛之家網頁

作者為「中野獨人」，所謂『中野獨人』，是『群聚在網路電子佈告欄（BBS）上的獨身男性』的總體虛構名字，但本書內容完全是根據日本2ch網站上的真人實事結集而成。
「電車男」係一本好好笑的小說，最近拍成電視劇。男主角22歲，從沒交過女友既處男，一次見義勇為，在電車上阻止了醉漢騷擾一個美麗女生，電車男對可愛的女孩有些心動，直到他收到女孩送他Hermes茶杯做為謝禮，電車男終於下定決心化心動為行動！
但
到底該怎麼做才好呢？遲遲不敢打電話的電車男，於是在BBS
(forum的前身)上向其他網友們求救。看到他真摰的留言，同病相憐、感同身受的眾網友們紛紛為他加油打氣，並且絞盡腦汁地幫他出主意。一人一個
post，有人打表情符號為佢加油，睇得會心微笑。終於佢鼓起勇氣打電話喇……
我睇日劇時，見佢打電話，真係同d 網友一齊緊張呀！

日本官方網頁

每年盂蘭節，慈善團體都會派「平安米」，希望可以敬老，積福求平安。但係香港就係出名年年都有老人不適，次次都唔平安。老人家好多都持老賣老，唔喜歡守秩
序，鍾意打尖、打架，而且一年惡劣過一年，每次都要暴曬七、八小時，d 婆婆就變成體力不繼，d 公公就變成燥底推推撞撞，卒之今日死人。
政府要
求佢地派籌，慈善團體話咁唔得，破壞傳統；今日有人死左，尖沙嘴派米團體福德古廟負責人話：「死亡的婆婆當時在圍欄外，如果她入了欄，我們才會負責。我沒
有要求那些老人家前來取米，是他們自己來的。」連丁點懺悔都無，真係等天收。如果唔係佢地派米，個阿婆又點會由藍田出黎，失足跌死係尖沙咀呢？
政府應該做d野，雖然話宗教活動，政府不可能禁止，但就可以追究有關團體，以後不准不負責任既團體派米。
點解唔可以請義工派米去長者家呢？我都試過派米去長者家，佢地收到，陪佢傾下偈，會更喜悅。

海膽美味，日本人稱橙黃色的海膽生殖腺為「雲丹」，生食海鮮之中，我最鍾意海膽。海膽有幾百種，能作為食用不多，最常食到係「紫海膽」同高級既「馬糞海膽」，新鮮由海中捕獲即開即食最香甜，此外，可以用火烤，煮湯，壽司，懷石料理等。
因為漁民濫捕，結果海膽量日少，以台灣為甚，在日本，就自設養殖場，而且限制每次捕捉時間不超過40分鐘，算是為野生海膽保留一線生機。
海膽亦有分性別，雌性海膽當然係上品。有D人覺得海膽有苦味唔好食，其實新鮮海膽經海水沖洗之後係無苦味，只係為左防止變壞，係運輸前會加入大量保存劑，所以會令到海膽變苦。海膽入口即溶好似食雪糕咁，果種美味，連蟹羔都比唔上！

灣仔波士頓餐廳真係伴著我們成長，除左「金鳳」之外，港式扒房就以波士頓最好。但近年水準已大不如前，記得好多年前，月亮第一次來香港，我帶佢去波士頓吃牛扒，之後每次來香港都嚷著要去，但這兩年食物水準已經不合格。
細個去波士頓，有「龍躉餐」食，但後來已經無喇，而招牌菜代之而為「火焰劍牛扒」，用一支好似西洋劍的東西，叉住d 牛扒，然後用火點著底部，全支劍就著火，幾有表演效果架。
不過湯已經唔夠熱，食物上桌時間變慢，奶茶檸茶都係流水作業式大量化生產，實在已經沒有水準可言。只能偶然去懷念以前的日子。