吃喝玩樂

因為日本本星期晚上時段一連三晚改播柔道比賽，所以追開既「電車男」都要暫停播映，但係由於今個夏季日劇實在太多強片喇，就再搵左另一套受歡迎日劇睇下，呢一套係「小遙17歲」(Haruka 17)。
今
夏日劇就大部份都係漫畫同小說改成，「電車男」、「海猿」、「龍櫻」同「小遙17歲」都係，而「小遙17歲」比較青春搞笑一d。連載於「morning周
刊」同名漫畫，作者係山崎沙也加。主角係22歲的宮前遙，大學畢業之後見左50份工都失敗，最終見成左一份，但就俾公司呃左，以為做藝人經理人，點知被迫
變成17歲人氣偶像小遙喇。
感覺上幾清新，有某d場面都幾好笑架，好睇過無線d劇集。

日本官方網頁

今
次夏季日劇戰情激烈，除左「電車男」、「女王的教室」、「海猿」之外，另一套受歡迎日劇就係日本東京放送(TBS)週五劇場既「Dragon櫻」。改編自
講談社漫畫《Morning》連載中同名超人氣漫畫 (註：據badtz講，漫畫《Morning》其實無咩人睇
=.=a)，由有型俊男阿部寬、山下智久主演。
內容都係好似「GTO」咁上下，由阿部寬飾演既律師因為俾人發現年青時係暴走族(飛車黨)，律師行面臨倒閉，於是佢走左去做教師，要令龍山高校變成學生必定考入東京大學的學校。
呢套劇最好睇當然係阿部寬，年青時已經係瘋魔萬千少女，依家更見男人成熟味。

日本官方網頁

香港食到魚麵機會不多，不過如果你識搵都可以搵到，灣仔、九龍城、旺角花園街都有。
魚麵除左有濃郁魚味之外，非常彈牙，煮麵的上湯都變可口鮮湯。
製作方法係先將魚肉打成魚蓉或魚漿，之後再製成麵條。台南、馬祖做法係將麵條曬兩天製成乾麵，魚味濃郁。香港食到既都係潮式，即係鮮魚麵，鮮味非凡。
記得以前睇過一本關於煮食既漫畫，叫做「中華小廚師」(日本原名：中華一番)，有一次比賽，大會出左一道難題，要做一道「麵．非麵」，食落係麵，但又唔係麵。主角就係用鯰魚麵贏左比賽。
如果食傳統既全蛋麵，又或者日式即食麵有D厭倦，不如試下食魚麵丫，一食難忘。

剛公報「夏季觀眾最滿意日劇」調查報告，伊藤英明和加藤愛主演的「海猿」，意外地擊敗「電車男」和「龍櫻」，成為冠軍。
佐藤秀峰、小森陽一原作的漫畫，主角仙崎大輔係日本海上保安員潛水士一名，故事主要圍繞海上保安員救人工作。舊年拍成電影，今年再拍成日劇。由於得到政府同海上保安廳全力協助拍攝，所以電視比漫畫更有壓迫力！
由於日劇收得，明年會再拍海猿電影版第二集。我比較喜歡救難漫畫，好似消防員的故事、山難拯救隊，同埋海猿，都係值得推介既漫畫，如果你對漫畫無興趣，不如試下睇呢一套日劇。

日本官方網頁：海猿-UMIZARU EVOLUTION-

最近發現好多人都有養blogpet，所以就搵下有咩好blogpet可以養，在右方養了一隻叫「meromero
park」(小水滴)的blogpet，想推薦俾大家養，牠是靠你的blog內新文章(RSS)作為食物飼養，只要你定期寫blog，牠就會長大，甚至學
講說話！牠會學講你blog裡的字。
有興趣的可以到meromero park的主頁去申請，在e小va的網頁有更簡單教學及更詳細說明。
如果擔心睇唔明日文，可以用excite所提供的日文翻譯成中文連結。
但有一點是需要注意，小水滴係需要RSS去飼養，不然牠就不會長大同說話喇。而使用的blogger的網友就沒有支援RSS，因此，像我使用blogger的，需要RSS的網友，可到FeedBurner申請。
我的寵物「money」的ID係 2-114-363 ，申請完記得add我做朋友！

因為呢套劇成為左話題，所以我都想發表一下自己睇左之後既感受，作為一個家長的話，睇到小孩子被老師體罰，多少會感到心痛而對劇中老師批評，但係，在我個
人立場黎講，劇中呢一班學生又的確係有問題，每一次都會有一兩個人做出影響全班的事出黎，在我讀書年代，呢一種事跟本唔會發生，全班都好安靜上堂，唔會突
然企係課室大聲唱歌都覺得老師罰得唔o岩，又或者老師責罵時駁嘴甚至企出黎幫人對抗老師，而呢一種事發生在日本呢種紀律國家就更不可想像。老師話，只要你
肯道歉，就會得到原諒，但學生就覺得跟老師對抗係講義氣既表現。剛開始睇呢套劇時，的確多少會同情學生，但想深一層，學生在課室上課，本來就應該嚴守紀
律，安靜上課嘛。好似第二、三集，全班要在校慶時表演跳舞，老師嚴格的要求，最終令到全校老師、家長都覺得表演非常好，但有人逃避演出機會，亦有人為左講
義氣而唔演出，最後怪責為左有機會演出而投向老師的學生出賣他們，家長們問起時，只會說謊話肚痛所以無演出，而唔敢講出因為不聽老師話而無得演出的事實，
看來，的確需要老師好好調教一下佢地呢！

日本的網紋哈蜜瓜是有名的水果，小小一個瓜賣很貴的價錢，日本人也只有在探病時才會買那麼貴重的東西送禮。香港人吃慣了大陸的哈蜜瓜，不明白為什麼會賣那麼貴，其實知道了價值，就不會覺得貴是沒有道理。
跟
方形西瓜不同，不是靠取巧來提高價錢，在日本，氣候不適合種哈蜜瓜，只能用溫室，把溫度提升到四十幾度，嚴格控制濕度同溫度。在有了果實之後，就要選擇棄
養某些弱小的，令到泥土裡養份集中到一個果實之中。因為果肉得到足夠養份快速成長，果皮就追唔上生長速度，會裂開，但係哈蜜瓜有自我修補功能，所以裂口好
快又會愈合，但會留下一條紋，結果不停成長，瓜皮的紋就愈來愈多，亦可以話，愈有養份的瓜，網紋就愈多，愈甜同香。
而且生長時，不會讓瓜碰到地面，所以瓜不會變形，只會是圓圓的。最後，網紋哈蜜瓜就變成最香甜的水果。種一個哈蜜瓜，就已經要犧牲好多個瓜，加上好多心血，所以每個都價值不菲。