吃喝玩樂

很多人都喜歡砌模型，一盒玩具模型，大概可消磨一整天甚至一星期時間。生產模型玩具最出名係Bandai，而Bandai最賺錢模型系列，係「機動戰士Gundam」系列，長賣長有，每個月都有新款，而且Gundam比較容易砌。
如果你去買一盒Gundam模型，又唔可以拆開睇，單從盒外面，你如何知道分別？
模型價格視乎比例同精密，愈精密當然愈貴，比例大亦比較貴，例如1/100 比 1/144 貴。
主要分為1/144、1/144HG、HGUC、1/100HG、MG、PG… 價錢亦由平至貴。
HG，即是high grade，HGUC，就是HG universal century，兩者都係一般可以普遍買既模型，量產型(大量化生產)，所以價錢適中，亦都適合初學者，而且適合自己改裝。
MG係master grade，故名思義，係master級，適合模型玩家，比例一般係 1/100。
PG係perfect grade，比例一般係 1/60，已經係半件藝術品，但砌既難道亦都高，因為零件多而細小精密，可活動關節都比較多。
通常係個盒面已經寫得好清楚係HG定係MG，所以唔好買錯呀！

例子：
MG 的Gundam完成品
HGUC 的Gundam完成品
HG 的Gundam完成品

若干年前，放暑假去番禺親戚屋企玩，呢一次旅行食到好多以前未食過既野，好似油爆禾蟲、生食瀨尿蝦、淡水魚生咁…
淡水魚生係順德名菜，不過食淡水魚生可以話係搵命搏，因為淡水魚通常都會有寄生蟲，亂食淡水魚生可能會感染肝吸蟲，到時就會上報紙架喇…
就算係日本人都好少食三文魚刺身，因為生長係日本既三文魚係屬於鹹淡水交界魚類，佢地怕有蟲所以唔食架。
話
說中式淡水魚刺身同日本刺身食法都幾大分別，淡水魚身上油脂不多，要將魚肉切成薄片，薄到透明，一碟大既只有八到十片，然後要淋d
熟油係上面，再加鹽、薑絲、蒜片，撈埋就食得架喇，不過有人就會加埋蘿蔔絲、芋絲、芥辣、鹹脆花生咁。d
魚骨就酥炸，魚頭就煲湯，實行一魚多吃。淡水魚生爽口，清淡帶一點點甜，唔會腥，一次我大概可以食到五到六碟啦。

近年好少去釣魚，有都係用桿釣。細個鍾意同老豆出海去釣魚，感覺更貼近大自然，係d 海島礁石上，偶然會見到有狗爪螺，通常都會大量抓回家，撒大把鹽去煮，鮮甜可口。
最近睇深圳珠海旅遊特輯，見到有介紹伶仃海鮮三寶：海膽、狗爪螺、將軍帽，所以令我諗返起佢既美味。不過係珠海，係高級食品呢，賣得好貴，講俾阿媽知肯定唔信。
狗爪螺，又叫做雞爪螺、龜足、皇冠螺，生長係海岸或島礁的岩縫中，含豐富的碘、鈣、蛋白質及維他命等。烹調方法好簡單，用清水，加鹽去煮就可以，不過會帶腥味，所以食肆通常會用蒜茸清蒸去腥，入口鮮甜。

頂頭係堅硬的殼，唔食得，下面係網狀的皮，撕開就係肉喇，可以挑出肉，就會見到黑色的地方，係內臟，建議不吃，一來比較污糟，二來帶苦味。如果唔怕麻煩，就可以挑出肉，去內臟，用薑蔥去炒，一樣咁可口。

羊羹並唔係好似湯咁既羹，而係一種高級和果子。一般印象中，和果子都係做得好靚既甜品，但羊羹則只係長方形柱體。
羊羹係中國古代宮廷名菜。廚師將小豆子加入魚膠粉，灌入羊腸內蒸熟後食用。室町時代，日本僧侶來中國學法，將技術傳到日本，深受日本人喜愛。
現今製作方法已經棄用羊腸，改用竹筒或竹皮包著小豆去蒸製。口感細膩。
細個見到時，好奇買左一條返屋企，一放入口，好甜，滿滿的紅豆味，但食左半條已經因為太甜受不了。
其實一般食法係會雪凍，切開一片片，配濃茶作為飯後甜品。
台灣花蓮、宜蘭亦都係出產羊羹有名的，如果到台東旅行，不妨買d 做手信。

喜
歡食貝類海鮮，細個時候，食都係平民化，最多食到就係東風螺、狗爪螺、螄蚶呢d
貝類，以蒸為主。中學時返大陸旅行，就食到田螺、鮑貝螺等。出黎做事，經常食到係粉絲蒜茸蒸扇貝、生蠔、帶子一類，煮法千篇一律。後來開始四圍搵野食，鍾
意食避風塘炒蜆、炒響螺、象拔蚌、辣酒煮花螺。近幾年，先至開始食蟶子，覺得豉椒炒蟶子味道，比炒蜆更好食。
屋企人出街食飯，我都會嘗試叫蟶子，但每次都俾屋企人阻止，怕酒樓不乾淨，會有沙。其實同一般貝類做法相似，蟶子洗淨後，放養於清水中，倒入鹽，待蟶子腹中的泥沙吐淨，就可以煮喇。
海鮮最好食當然係刺身，但係貝類風險太高，不值一試，蒜茸蒸，豉椒炒、打邊爐(火鍋)、鐵板上，煲粥都可以，有人用黎燉湯，不過我無食譜。
肉嫩而鮮甜，風味獨特，可以起肉去炒又或者連殼去炒，我個人覺得連殼豉椒炒係最好味。

自
從「大長今」播映完結之後，無線觀眾一直流失，就以我屋企為例，本來幾十年係無線慣性收視觀眾，但係大長今完結之後，無線劇集內容空泛已經暴露出黎，黃金
時間，父母已經改睇亞視，亞視都放棄自己拍片，黃金時間三線劇全部都係外購新加坡或大陸製作的電視劇，亦有韓劇「女人天下」，又或者拍小製作好似「危險人
物」。雖然「女人天下」劇情一直拖拉，一件審問收賄事件拖了一個星期，父母還是一邊鬧一邊睇。無線呢？每天都看到胡杏兒，來來去去都是陳豪、唔唱k、林
峰，幾位演技都已經到極限…
雖然「酒店風雲」有不錯評價，無奈要吸引流失的觀眾，無線還需正視人才凋零問題。有d 觀眾已經流失到西片台或者有線電視了，目前仍靠慣性收視苦撐收視率而沾沾自喜，不如研究亞視收視率上升的問題。
但
無線製作小型特輯或選購外國片仍是有水準，好似大陸製的「復活的軍團」、「鄭和下西洋」，自家製的「百年中國」、「古都物語」等節目，才可以將我家電視吸
引回無線。無線發現半夜時重播節目觀眾急升，苦思不出原因，其實最主要原因之一，就係觀眾質素上升，寧可選擇重播節目，都好過黃金時間無線的三線劇集。
「古都物語」雖然都係胡杏兒主持，不過佢日文的確流利，係不二人選，儘管佢嘴巴大樣貌不討好，我還可以接受。雖然感覺上是為「大奧」做勢，不過佢內容豐富，有旅遊節目feel，因此，好多旅行社已經開始辦「古都物語團」喇。

因為日本本星期晚上時段一連三晚改播柔道比賽，所以追開既「電車男」都要暫停播映，但係由於今個夏季日劇實在太多強片喇，就再搵左另一套受歡迎日劇睇下，呢一套係「小遙17歲」(Haruka 17)。
今
夏日劇就大部份都係漫畫同小說改成，「電車男」、「海猿」、「龍櫻」同「小遙17歲」都係，而「小遙17歲」比較青春搞笑一d。連載於「morning周
刊」同名漫畫，作者係山崎沙也加。主角係22歲的宮前遙，大學畢業之後見左50份工都失敗，最終見成左一份，但就俾公司呃左，以為做藝人經理人，點知被迫
變成17歲人氣偶像小遙喇。
感覺上幾清新，有某d場面都幾好笑架，好睇過無線d劇集。

日本官方網頁