吃喝玩樂

今
日同Janice、阿Lok、Ada、Becky、Joey，一行六個人，夜晚去左「大尾篤燒烤王」BBQ。因為今日係中秋節，人特別多，我估計應該有一
二千人，但全個燒烤場就只得十幾個員工，幾乎無人可以有空serve我地。等位、等食物、等檯、等燒烤爐、等炭、等光線… 已經等左一個鐘先有得開始。
我地叫左一個六位用既套餐，一盤食物，有墨丸、牛丸、魚蛋、腸仔、紅腸、雞中翼、麵包、豬扒、牛扒、雞扒、咖喱魷魚背、竹輪(獅子狗卷)、粟米、紫心蕃薯等… 醃得幾好，不過食完好渴，猛灌汽水。
只能用「亂」來形容呢個燒烤場，七成要自助式，好處就係自由，無人干預。(其實係無人service…)
因為Becky五點要返工，所以我地燒到十二點就走喇，但係途中，受到損友甲、乙、丙、丁四人沿途不斷游說，終於Becky跟左佢地四過去左唱通宵K，年青人真係不可思議呢！
一個人返屋企途中，覺得自己身上一股燒烤味，就好像一塊會走動的烤肉… =.=a

同事們興高采烈地決定BBQ去慶中秋節，雖然颱風將至，天氣不穩，仍無損大家熱情。係台灣，中節秋除左食月餅、吃柚子之外，就要吃烤肉了。到處都係烤肉香味，中秋節還叫做烤肉節呢！
中秋為何要烤肉？話說台灣人烤肉，要加入烤肉醬(古怪的習慣呢！)，二十年前有一個烤肉醬廣告，一句口號，「一家烤肉萬家香」深入民心，因此就開始流行中秋烤肉喇。加上近年流行大賣場，好多賣烤肉，所以台灣就全民烤肉起黎喇。

每逢過節，家裡少不了東菇髮菜蠔豉，要「發財好市」嘛，可是這少少的髮菜，卻是破壞地球的元兇之一。
髮
菜係生長係蒙古大草原，依附針狀葉而生，要採集髮菜，就得挖出大草原上的針狀葉，把葉都堆在一個倉，每日淋水，兩三日後，髮菜吸水後發脹，就可以與針狀葉
分離。要採集二兩髮菜，就要挖走相等於16個足球場面積既草原，一斤髮菜就要一公頃草原。蒙古草原漸漸沙漠化，每年，單係挖髮菜就挖走數十萬公頃草原，令
到北京每年都出現沙塵暴。
雖然中國明文規定禁止採集髮菜同出售，但係蒙古人，甚至漢人仍然大量偷偷挖掘，因為係廣東地區有龐大市場需求，所以禁之不盡，而香港政府亦表明唔會禁止入口，大家真係有責任要反省一下。
為左地球生態著想，我地都係放棄食髮菜啦。

中秋節中國人都愛吃柚子，取其意「祐子」和「團圓」。
台
灣最出名柚子係「麻豆文旦」，乾隆五十三年﹝一七七八﹞年將福建、廣東的柚子傳到台南，後來發現係麻豆種既柚子特別多汁甘甜果肉柔軟，地方鄉紳及果農就將
該地生產既「柚子」取名為「文旦」。後來台灣就將麻豆文旦進貢俾清廷，因此「麻豆文旦」就成為家傳戶曉喇。而後來日本仔統治時，就將文旦獻俾日皇，日本就
係高知縣土佐市大量種植「文旦」，稱為「土佐文旦」。

「果之美味，江浦之橘，雲夢之柚」《呂氏春秋》

新買既柚，最好放一兩個星期，等柚子既水份逐漸蒸發，皮就會變黃，果肉甜度就會增加，稱為「消水」，肉質亦都會變軟，酸甜多汁，而且維他命C係蘋果既8倍呀，仲可以防膽固醇呢！

香港人去台灣多去台北，食野多數係士林夜市，會食既饕客就多數會去基隆。有一次跟xuv、九筒、pp、月亮還有網友甲、乙、丙(對不起，我唔記得名喇 )去基隆廟口食野，廟口差不多成個女人街咁既格局，但就全部都係大牌檔。廟口最出名就係「鼎邊趖」。
鼎邊趖係福州小吃，《趖》既做法，先在大鍋(廟口真係用個鼎)內放些水，煮滾後用竽頭沾油，搽油係鼎邊，再把米漿沿著鼎淋一圈。鼎內米漿往下趖(趖即液體滾燙流動)，一面烤一面蒸後凝固蒸熟，將整片取下來。風乾後，再將它剪成小片。
將多種配料，包括肉羹、蝦仁羹、金針、香菇、魷魚、小魚乾、竹筍、蝦米、高麗菜、炸蒜頭、芹菜等，十多種湯料熬製而成的湯頭，加入少少冰糖，再放入趖片，就成為美味既鼎邊趖。
因為用料多，所以湯鮮味美，鼎邊趖好似年糕咁煙刃(香Q)，彈牙順滑，香甜不膩。

也
談一談這個大陸熱門話題吧。如果問香港人，有沒有看過「超級女聲」，大概90%以上沒有看過吧。我是偶然會看一下。一個抄襲「American
Idol」的新秀歌唱節目(大陸辯稱為「借鑒」，咳…)，首先全國報名，比賽，搵名人評論一下，全民SMS投票，優勝者與唱片公司簽約，電視台全程直播一
年時間，中間加d互相攻擊、做馬傳聞、超級fans報導咁。單係報紙，每一日差不多就有八頁係講關於「超級女聲」，總決賽據說收看觀眾有4億人，全國有看
過或經常看的佔全民99.2%。
坦白說，冠軍李宇春和亞軍周筆暢兩位唱歌係幾好聽，美女就說不上…可能國內人生活苦悶，對呢d「全民參與」活動極為熱衷，見到d阿婆八九十歲都做舉牌fans，我真係有d不能理解。
其
實背後最大得益者，當然唔係American Idol會多左人睇啦，呢4億人都唔知有無一千人睇過…
係製作單位「湖南電視台」，佢地用盡各種方法去炒熱呢個話題，做成巨大經濟效益。單係sms收入就已經有3千萬，全國既轉播費、每一個參賽區參賽者出唱
片、fans記念品(閃咭、相片、螢光棒…)、電影、電視、自傳、圖書、報紙等… 呢個天文數字收入真係唔係講笑…
八月完左節目，九月一日就出唱片，睇黎呢個節目雖然剛播完，搵錢行動先o岩o岩開始。

遊淡水，不可能沒有見過「阿給」，阿給係一種小食，整個淡水有好多間賣阿給的店，有d 好好食，有d 就超難食，好似零戰遊淡水時，就食過非常難吃既阿給，發誓以後唔食，哈哈。
阿給是將四方形豆腐挖空，填入事先用滷汁泡製過既冬粉(粉絲)，再用魚漿封口，蒸熟，淋上特製既甜辣醬。日本人叫呢舊做「油炸豆腐」，日文發音就譯成國語既「阿給」喇。
好食既阿給，豆皮同魚漿一定要軟嫩同新鮮，粉絲要經過滷汁泡製過，甜辣醬要好味，缺一不可。