吃喝玩樂

中國人愛食米粉，東南亞地區，最好既米粉，係台灣既新竹米粉。
新
竹，有「風城」之稱，係台灣西北部，東南面係山，西北面係海，西面或北面黎既風，去到新竹都會因為地勢，不停打轉，令到風力加強，所以新竹既風係好強既
風，因此，係新竹曬米粉時，除左太陽日照之外，仲加上冷冷既西北乾風，三分太陽七分風乾，令到新竹米粉比任何其他地方既米粉，都更有彈性又不易折斷。係單
憑日曬或機器烘乾既米粉，所無法做既口感。
最常食法係炒米粉，爽口彈牙又唔會一餅野咁。此外一般人都會放湯，加埋新竹另一特產：「貢丸」，變成有名既新竹貢丸湯米粉。放湯的做法簡單一點，一箸夾起，米粉不易斷開，順直柔滑，即使放耐左都唔會發脹變糊，非常可口。

晚飯後食左一個火龍果，好奇怪屋企人唔喜歡食蓮霧、火龍果一類味道清淡既水果，反而鍾意食芒果、榴連、楊桃一類味重水果，只有我一個人比較另類，所以我就肩負起食晒清淡水果既任務。
火龍果係仙人掌科植物既果實，夏天晚上會開花，結成果實後有紫紅色既外皮，包住白色或者紅色既果肉，差不多無天敵既存在，所以種植火龍果完全不需要用農藥，果肉清甜，白肉比較香，紅肉則酸酸甜甜。
我喜歡切開兩半，用湯匙去享受火龍果，而且，中秋節前後，火龍果特別香甜呢！

自從小林尊成為全世界最鯨吞既人之後，七年之間未逢敵手，大陸就吹起一鼓競食比賽風氣。為左宣傳產品，往往會辦競食比賽，冠軍有獎品，輸左都有記念品，但往往忽略安全。
今日打開報紙，中秋期間，大陸就因為咁出事。
事件一：
湖南辦左一個競食月餅大賽，一分鐘內鬥食最多月餅，期間唔准飲水，第一名可以得到價值38蚊人民幣既主辦單位保健產品。一個75歲參賽者食左三個月餅，贏得三個曬衣夾。然後全身抽搐，面色發紫，被月餅啃(噎)到，咁就斷送一條命。
事件二：
又係今日發生大陸，辦左一個競飲白酒大賽，一分鐘內鬥飲得多。有一個唔怕死既女子參賽，一分鐘飲左兩支白酒，即場暈倒。佢係急性嚴重酒精中毒，送院後經24小時搶救，無生命大礙，但因為嘔吐物入肺，引致肺炎，要留院。
雖然主辦單位承認責任，但就無法例話比賽競食死亡係犯法既，唉，唔該唔好再用食物黎玩啦…

香
港最常吃到就係廣式月餅，廣式月餅近似西餅一樣既皮，以內餡講究而聞名。小小一個月餅，內裡蓮蓉重量、黃蛋重量及新鮮度、蓮子品質、選用既油，全都一絲不
苟。無論係紅蓮蓉或者係白蓮蓉都有一定捧場客。後來，大班推出了「冰皮月餅」，對香港月餅市場帶來巨大衝擊。以綠豆蓉做餡，不會太甜。傳統月餅係定形之後
要經過高溫烘焙，而冰皮月餅則係定形之前已經將配料煮熟，所以呢，冰皮月餅就不易保存，好易受細菌感染，要保存係低溫，放係雪櫃入面，但係咁樣，口感反而
好特別，外皮煙刃，內餡冰涼，非常好味。
近年好多網友喜歡自己做月餅，都係選擇整冰皮月餅呢！

傳統客家人月餅，叫做「月光餅」，用蕃薯(地瓜)做餡，即係傳統台灣月餅。
傳統月光餅並不好賣，只係買返屋企拜神(拜拜)，地瓜香味濃郁，耐保存，係農民或勞工既乾糧而已。
後來，西方糕餅技術衝擊台灣，月光餅都改革一番，改用酥皮，內餡仍用地瓜餡，但不太甜膩，口感鬆軟。
吃月光餅，多少係食一種懷舊口味。

中秋月餅種類繁多，香港人最常食到係廣式月餅同潮式月餅。潮式月餅中又以芋泥餡月餅最受歡迎，而香港人多數喜歡去九龍城既「和記隆餅家」訂購。
傳統潮式月餅，以酥皮做外皮，而做型是由中心向外順連以旋渦形擴散，餅熟後的酥皮，是一層一層的拆開及覆合的酥皮，稱為「拆合」，又或者叫做「百合」。
用芋頭，製成甜餡，稱為芋泥，係潮州人獨有既傳統製糕餅餡料，所以深受香港潮州人喜愛。
美中不足係，我覺得潮州月餅太甜，綠豆蓉做餡則不錯。

地址：九龍城城南道
網址：http://www.kywkl.com

今
日同Janice、阿Lok、Ada、Becky、Joey，一行六個人，夜晚去左「大尾篤燒烤王」BBQ。因為今日係中秋節，人特別多，我估計應該有一
二千人，但全個燒烤場就只得十幾個員工，幾乎無人可以有空serve我地。等位、等食物、等檯、等燒烤爐、等炭、等光線… 已經等左一個鐘先有得開始。
我地叫左一個六位用既套餐，一盤食物，有墨丸、牛丸、魚蛋、腸仔、紅腸、雞中翼、麵包、豬扒、牛扒、雞扒、咖喱魷魚背、竹輪(獅子狗卷)、粟米、紫心蕃薯等… 醃得幾好，不過食完好渴，猛灌汽水。
只能用「亂」來形容呢個燒烤場，七成要自助式，好處就係自由，無人干預。(其實係無人service…)
因為Becky五點要返工，所以我地燒到十二點就走喇，但係途中，受到損友甲、乙、丙、丁四人沿途不斷游說，終於Becky跟左佢地四過去左唱通宵K，年青人真係不可思議呢！
一個人返屋企途中，覺得自己身上一股燒烤味，就好像一塊會走動的烤肉… =.=a